గూడూరు, జూన్ 5: గూడూరులోని వైఎస్సార్ కాంగ్రెస్ పార్టీ కార్యాలయం వద్ద పార్టీ ఆధ్వర్యంలో శుక్రవారం నిరసన కార్యక్రమం నిర్వహించారు. ఈ సందర్భంగా ఎన్నికల సమయంలో ప్రకటించిన హామీల అమలుపై ప్రభుత్వ వైఖరిని నిరసిస్తూ మేనిఫెస్టో ప్రతులను దహనం చేశారు.ఈ కార్యక్రమంలో వైఎస్సార్ కాంగ్రెస్ పార్టీ ఉమ్మడి నెల్లూరు జిల్లా ఎమ్మెల్సీ, గూడూరు నియోజకవర్గ సమన్వయకర్త మేరిగ మురళీధర్ మాట్లాడుతూ, ఎన్నికల సమయంలో ప్రజలకు ఇచ్చిన హామీల అమలులో ప్రభుత్వం ఆశించిన స్థాయిలో ముందుకు సాగలేదని విమర్శించారు. వివిధ వర్గాలకు ప్రకటించిన సంక్షేమ పథకాలు, అభివృద్ధి హామీలను పూర్తిగా అమలు చేయాలని ఆయన కోరారు.రాష్ట్రంలో పెరుగుతున్న ధరలు, రైతుల సమస్యలు, ఉపాధి అవకాశాలు, సంక్షేమ పథకాల అమలుపై ప్రజల్లో ఆందోళన వ్యక్తమవుతోందని పేర్కొన్నారు. రైతులకు పంటలకు గిట్టుబాటు ధర కల్పించడంతో పాటు ప్రజా సమస్యల పరిష్కారానికి ప్రభుత్వం చర్యలు చేపట్టాలని డిమాండ్ చేశారు.ఈ కార్యక్రమంలో వైఎస్సార్ కాంగ్రెస్ పార్టీ జిల్లా ఉపాధ్యక్షులు మెట్ట రాధాకృష్ణారెడ్డి, రాష్ట్ర సంయుక్త కార్యదర్శి ఊటుకూరు మహేందర్ రెడ్డి, జిల్లా మహిళా విభాగ ఉపాధ్యక్షులు ఊటుకూరు యామిని రెడ్డి, రాష్ట్ర వైఎస్ఆర్టీయూసీ ఉపాధ్యక్షులు ఎం. రాజేష్, జిల్లా సంయుక్త కార్యదర్శి దువ్వూరు మధుసూదన్ రెడ్డి, గూడూరు నియోజకవర్గ మేధావుల విభాగం అధ్యక్షులు నందవరం సుబ్బారావు, గూడూరు పట్టణ అధ్యక్షులు బొమ్మిడి శ్రీనివాసులు, గూడూరు పట్టణ ఉపాధ్యక్షులు సుభాన్, గూడూరు పట్టణ స్టూడెంట్ విభాగం అధ్యక్షులు జోగి వినోద్, గూడూరు పట్టణ మహిళా విభాగం అధ్యక్షులు సుజనా రెడ్డి, గూడూరు పట్టణ సంయుక్త కార్యదర్శి కార్ల దీప్తి, చిలుకూరు మండలం ముస్లిం మైనార్టీ విభాగం అధ్యక్షులు ఇస్మాయిల్ భాష, గూడూరు మండలం ఉపాధ్యక్షులు ఇనుకుర్తి జనార్దన్ రెడ్డి, కృష్ణారెడ్డి, గూడూరు పట్టణ నాయకులు ఈసల్ల సురేష్, అన్నం మురళి, అశోక్ రెడ్డి, చిట్టేటి శివకుమార్, రఫీ, రూపేష్ రెడ్డి, సర్వేపల్లి సీనయ్య, చింతల శ్రీనివాసులు, మధు, జయరామయ్య, పెంచలయ్య, రాఘవయ్య తదితరులు పాల్గొన్నారు.అలాగే గూడూరు పట్టణం, చిలుకూరు మండలానికి చెందిన నాయకులు, కార్యకర్తలు, పార్టీ శ్రేణులు పెద్ద సంఖ్యలో హాజరయ్యారు.
Author: Prajaveek Shanam
