హైదరాబాద్‌, సెప్టెంబర్‌ 01 (ప్రజా వీక్షణం ప్రతినిధి): అందాల భామ నయనతార నటించిన ‘అదుర్స్’ చిత్రంలోని చంద్రకళ పాత్రకు ఇప్పటికీ ఉన్న క్రేజ్‌పై ఆమె చేసిన వ్యాఖ్యలు సోషల్ మీడియాలో వైరల్‌గా మారాయి. ఇటీవల యశ్ హీరోగా నటించిన ‘టాక్సిక్’తో ప్రేక్షకుల ముందుకు వచ్చిన నయనతార.. తాజాగా తన పాత ఇంటర్వ్యూలో చేసిన వ్యాఖ్యలతో మరోసారి వార్తల్లో నిలిచారు.
‘చంద్రకళ’ పాత్రకు ప్రత్యేకమైన క్రేజ్!
తెలుగులో తాను ఎన్నో సినిమాలు చేసినప్పటికీ.. ‘అదుర్స్’లోని చంద్రకళ పాత్రకు మాత్రం ప్రత్యేకమైన, ఎప్పటికీ తగ్గని క్రేజ్ ఉందని నయనతార పేర్కొన్నారు. ఇప్పటికీ ఆ పాత్రకు సంబంధించిన మీమ్స్ సోషల్ మీడియాలో ట్రెండ్ అవుతుండటంపై ఆమె ఆశ్చర్యం వ్యక్తం చేశారు.
పెళ్లి.. పిల్లలు.. అయినా ఆగని మీమ్స్!
చంద్రకళ పాత్రకు సంబంధించిన మీమ్స్‌లో మిస్టర్ బట్టు ప్రేమకథను నయనతార వ్యక్తిగత జీవితంలోని పలు సందర్భాలతో ముడిపెట్టిన విషయాన్ని ఇంటర్వ్యూయర్ ఆమెకు చూపించారు. తన పెళ్లి, పిల్లలు పుట్టిన తర్వాత కూడా ఆ మీమ్స్ కొనసాగడం చూసి నయనతార నవ్వుకున్నారు. తాను ఇలాంటి మీమ్స్‌ను ఇంతకుముందు చూడలేదని చెప్పారు.
‘బట్టుకి అన్యాయం జరిగిపోయింది’ అంటూ సరదా కామెంట్!
మీమ్స్ ఎంతగా ట్రెండ్ అయ్యాయో తెలుసుకున్న నయనతార.. “ఓ ఐ డిడ్‌న్ట్ నో దిస్” అంటూ ఆశ్చర్యపోయారు. చివరగా “బట్టుకి అన్యాయం జరిగిపోయింది” అంటూ సరదాగా వ్యాఖ్యానించారు. దీంతో ఆమె పాత ఇంటర్వ్యూలోని ఈ వ్యాఖ్యలు ప్రస్తుతం సోషల్ మీడియాలో వైరల్‌గా మారాయి.
Author: Prajaveek Shanam
