-సమయపాలన పాటించని రెండు దుకాణాలపై చర్యలకు సిఫార్సు
-నెలలో ఒకటి నుంచి పదో తేదీ వరకు ప్రజలకు అందుబాటులో ఉండాలి: సహాయ సరఫరాల అధికారి
గూడూరు, సెప్టెంబర్‌ 3: ప్రజా వీక్షణం
నెల్లూరు జిల్లా గూడూరు పట్టణంలోని రేషన్‌ దుకాణాలను సహాయ సరఫరాల అధికారి లక్ష్మీనారాయణ రెడ్డి ఆకస్మికంగా తనిఖీ చేశారు. పట్టణంలోని కొన్ని రేషన్‌ దుకాణాల యజమానులు ప్రజలకు రేషన్‌ సరుకులు పంపిణీ చేసే విషయంలో సమయపాలన పాటించడం లేదని, నిర్ణీత సమయంలో దుకాణాలను తెరవకపోవడంతో ప్రజలు ఇబ్బందులుఎదుర్కొంటున్నారంటూ ఫిర్యాదులు అందిన నేపథ్యంలో ఈ తనిఖీలు చేపట్టినట్లు ఆయన తెలిపారు.ఈ సందర్భంగా పలు రేషన్‌ దుకాణాల్లో సరుకుల పంపిణీ విధానం, దుకాణాల నిర్వహణ, ప్రజలకు అందుబాటులో ఉండే సమయాలు తదితర అంశాలను అధికారులు పరిశీలించారు. రేషన్‌ పంపిణీలో ప్రభుత్వం నిర్దేశించిన నిబంధనలను తప్పనిసరిగా పాటించాలని, అర్హులైన ప్రతి లబ్ధిదారుడికి ఎలాంటి ఇబ్బందులు లేకుండా సరుకులు అందేలా చూడాలని డీలర్లకు సూచించారు.తనిఖీల్లో భాగంగా 11, 12 నంబర్ల రేషన్‌ దుకాణాల డీలర్లు నిబంధనలను సక్రమంగా పాటించడం లేదని గుర్తించినట్లు సహాయ సరఫరాల అధికారి లక్ష్మీనారాయణ రెడ్డి తెలిపారు. ప్రజలకు నిర్ణీత సమయంలో రేషన్‌ సరుకులు అందించడంలో నిర్లక్ష్యం వహించినట్లు గుర్తించిన ఈ రెండు దుకాణాలపై నిబంధనల మేరకు చర్యలు తీసుకునేలా ఉన్నతాధికారులకు సిఫార్సు చేయనున్నట్లు వెల్లడించారు.రేషన్‌ దుకాణాల ద్వారా పేదలు, అర్హులైన కుటుంబాలకు ప్రభుత్వం అందిస్తున్న నిత్యావసర సరుకులు సకాలంలో అందేలా డీలర్లు బాధ్యతగా వ్యవహరించాలని ఆయన సూచించారు. దుకాణాలను నిర్ణీత సమయాల్లో తెరవకుండా ప్రజలను ఇబ్బందులకు గురిచేస్తే సంబంధిత డీలర్లపై చర్యలు తప్పవని హెచ్చరించారు.నెలలో పది రోజులపాటు తప్పనిసరిగా అందుబాటులో ఉండాలిప్రతి నెల ఒకటో తేదీ నుంచి పదో తేదీ వరకు రేషన్‌ దుకాణాల యజమానులు ప్రజలకు అందుబాటులో ఉండాలని లక్ష్మీనారాయణ రెడ్డి స్పష్టం చేశారు. ఈ సమయంలో దుకాణాలను తెరిచి ఉంచి అర్హులైన లబ్ధిదారులకు రేషన్‌ సరుకులను సక్రమంగా పంపిణీ చేయాలని ఆదేశించారు.ప్రజలు రేషన్‌ సరుకుల కోసం దుకాణాలకు వచ్చిన సమయంలో డీలర్లు అందుబాటులో లేకపోవడం, సమయపాలన పాటించకపోవడం వంటి ఫిర్యాదులు పునరావృతం కాకుండా చర్యలు తీసుకుంటామని తెలిపారు. రేషన్‌ పంపిణీ వ్యవస్థలో పారదర్శకత, జవాబుదారీతనం ఉండేలా నిరంతరం తనిఖీలు నిర్వహిస్తామని ఆయన వెల్లడించారు.ప్రభుత్వ నిబంధనలను ఉల్లంఘించే రేషన్‌ దుకాణాలపై కఠినంగా వ్యవహరిస్తామని, ప్రజలకు ఎలాంటి ఇబ్బందులు లేకుండా రేషన్‌ సరుకుల పంపిణీ జరిగేలా అధికారులు పర్యవేక్షణ కొనసాగిస్తారని సహాయ సరఫరాల అధికారి లక్ష్మీనారాయణ రెడ్డి తెలిపారు.
Author: Prajaveek Shanam
