🔸 తిరుపతి జిల్లా కీలక పదవికి ఎంపికైన నాయుమ్‌కు అభినందనల వెల్లువ…
🔸 పార్టీ కోసం అంకితభావంతో పనిచేసిన నాయకుడికి అధిష్ఠానం గుర్తింపు…
🔸 నిజాయితీ, క్రమశిక్షణకు నిదర్శనం నాయుమ్ అని నాయకుల ప్రశంసలు…
🔸 జనసేన బలోపేతానికి మరింత కృషి చేస్తానని నాయుమ్ హామీ…
ప్రజా వీక్షణం గూడూరు :-25
జనసేన పార్టీ పట్ల అంకితభావంతో పనిచేస్తూ, పార్టీ సిద్ధాంతాలను ప్రజల్లోకి తీసుకెళ్లడంలో విశేష కృషి చేసిన నాయకుడు నాయుమ్‌కు పార్టీ శ్రేణులు ఘన సన్మానం నిర్వహించాయి.పార్టీ ఆవిర్భావం నుంచి జనసేనకు నమ్మకమైన కార్యకర్తగా, నాయకుడిగా కొనసాగుతున్న నాయుమ్ సేవలను గుర్తించిన పార్టీ అధిష్ఠానం ఆయనకు తిరుపతి జిల్లా స్థాయిలో కీలక బాధ్యతలు అప్పగించడం పట్ల నాయకులు, కార్యకర్తలు హర్షం వ్యక్తం చేశారు.ఈ సందర్భంగా పలువురు నాయకులు మాట్లాడుతూ, నాయుమ్ నిజాయితీ, క్రమశిక్షణ, ప్రజలతో మమేకమయ్యే స్వభావం, పార్టీ పట్ల ఉన్న అంకితభావం ఆయనను ఈ స్థాయికి తీసుకువచ్చాయని కొనియాడారు. పార్టీ కోసం ఎన్నో సంవత్సరాలుగా నిస్వార్థంగా పనిచేస్తూ, ప్రతి కార్యక్రమాన్ని విజయవంతం చేయడంలో ఆయన కీలక పాత్ర పోషించారని పేర్కొన్నారు.
నాయుమ్‌కు లభించిన ఈ గౌరవం ఆయన వ్యక్తిగత విజయమే కాకుండా జనసేన పార్టీ కార్యకర్తలందరికీ ప్రేరణగా నిలుస్తుందని తెలిపారు. భవిష్యత్తులో కూడా పార్టీ బలోపేతానికి, ప్రజాసేవకు మరింత కృషి చేస్తారని ఆశాభావం వ్యక్తం చేశారు.ఈ సందర్భంగా నాయుమ్‌ను పూలమాలలు వేసి, శాలువాతో సత్కరించి శుభాకాంక్షలు తెలియజేశారు.
Author: Prajaveek Shanam
