కొలంబో, ఆగస్టు 21 (ప్రజా వీక్షణం ): శ్రీలంకతో తొలి టెస్టులో పెద్దగా ప్రభావం చూపలేకపోయిన భారత స్టార్ స్పిన్నర్ కుల్‌దీప్ యాదవ్‌పై టీమిండియా స్పిన్ బౌలింగ్ కోచ్ సాయిరాజ్ బహుతులే పూర్తి నమ్మకం వ్యక్తం చేశాడు. ఒక్క మ్యాచ్ ఆధారంగా కుల్‌దీప్ సామర్థ్యాన్ని అంచనా వేయడం సరికాదని, కొలంబోలో జరిగే రెండో టెస్టులో అతడు తప్పకుండా పుంజుకుంటాడని ధీమా వ్యక్తం చేశాడు.తొలి టెస్టులో ఒక్క వికెట్
గాలే టెస్టులో కుల్‌దీప్ రెండు ఇన్నింగ్స్‌ల్లో కలిపి 25 ఓవర్లు బౌలింగ్ చేసి ఒక వికెట్ మాత్రమే తీశాడు. తొలి ఇన్నింగ్స్‌లో 14 ఓవర్లు వేసి 65 పరుగులు ఇచ్చి ఒక వికెట్ తీసుకోగా.. రెండో ఇన్నింగ్స్‌లో 11 ఓవర్లు వేసినా వికెట్ దక్కలేదు. అతడి ఏకైక వికెట్ కమిందు మెండిస్‌ది. శుభ్‌మన్ గిల్ అద్భుతమైన క్యాచ్ పట్టడంతో కుల్‌దీప్‌కు వికెట్ లభించింది.పరిస్థితులే కారణంగాలే పిచ్, బంతి పరిస్థితులు కుల్‌దీప్ బౌలింగ్‌కు అనుకూలంగా లేవని బహుతులే పేర్కొన్నాడు. కూకాబుర్రా బంతి మెరుపు తగ్గి మెత్తబడిన తర్వాత మణికట్టు స్పిన్నర్లకు ఆశించినంత సహకారం లభించలేదని వివరించాడు. పిచ్ నెమ్మదించడంతో కుల్‌దీప్ తన బౌలింగ్ వేగం, బంతి వేసే ట్రాజెక్టరీని మార్చుకోవాల్సి వచ్చిందని తెలిపాడు.
మ్యాచ్ విన్నర్‌గా కుల్‌దీప్
“కుల్‌దీప్ ఎప్పటికీ మ్యాచ్ విన్నరే. అతడు మా ప్రణాళికల్లో కీలక భాగం. ఒక్క మ్యాచ్‌తో అతడి సామర్థ్యాన్ని అంచనా వేయలేం. రెండో టెస్టులో అతడు తిరిగి పుంజుకుంటాడనే నమ్మకం మాకు ఉంది” అని బహుతులే స్పష్టం చేశాడు.
Author: Prajaveek Shanam
