జన విజ్ఞాన వేదిక ఆధ్వర్యంలో గోడపత్రికల విడుదల
గూడూరు: వినాయక చవితి సందర్భంగా పర్యావరణ పరిరక్షణకు ప్రతి ఒక్కరూ బాధ్యతగా వ్యవహరించాలని గూడూరు మున్సిపల్‌ కమిషనర్‌ మల్లికార్జునరావు సూచించారు. ప్లాస్టర్‌ ఆఫ్‌ పారిస్‌ విగ్రహాలకు బదులుగా మట్టి వినాయక విగ్రహాలను వినియోగించాలని పిలుపునిచ్చారు.నెల్లూరు జిల్లా గూడూరు పట్టణంలోని టవర్‌ సెంటర్‌లో జన విజ్ఞాన వేదిక ఆధ్వర్యంలో ‘మట్టి వినాయక విగ్రహాలు వాడండి–పర్యావరణాన్ని కాపాడండి’ అనే నినాదంతో రూపొందించిన గోడపత్రికలను మున్సిపల్‌ కమిషనర్‌ మల్లికార్జునరావు విడుదల చేశారు. అనంతరం మట్టి వినాయక ప్రతిమను పూల కుండీలో నిమజ్జనం చేసి పర్యావరణహిత పద్ధతిని ప్రజలకు వివరించారు.ఈ సందర్భంగా కమిషనర్‌ మాట్లాడుతూ.. వినాయక చవితి రోజున మట్టి వినాయక విగ్రహాలను ఏర్పాటు చేసుకోవడంతో పాటు, నిమజ్జనాన్ని కూడా ఇంటి ఆవరణలో లేదా పూల కుండీలో చేసుకోవడం ద్వారా పర్యావరణాన్ని పరిరక్షించవచ్చన్నారు. జన విజ్ఞాన వేదిక సభ్యులు స్వయంగా మట్టి వినాయక ప్రతిమను పూల కుండీలో నిమజ్జనం చేసి చూపించడం అభినందనీయమని పేర్కొన్నారు.పర్యావరణానికి హాని కలిగించే ప్లాస్టర్‌ ఆఫ్‌ పారిస్‌ విగ్రహాలను వినియోగించకుండా ప్రజలు చైతన్యంతో వ్యవహరించాలని కోరారు. ప్లాస్టర్‌ ఆఫ్‌ పారిస్‌ విగ్రహాలను నీటిలో నిమజ్జనం చేయడం వల్ల నీటి వనరులు కలుషితమయ్యే ప్రమాదం ఉందన్నారు. తద్వారా నీటిలోని చేపలు, ఇతర జలచరాలు మృతి చెందడంతో పాటు, ఆ నీటిని వినియోగించే ప్రజల ఆరోగ్యంపై కూడా ప్రభావం పడే అవకాశం ఉందని తెలిపారు.ప్రజలు ఈ అంశంపై ఆలోచించి పర్యావరణహితమైన మట్టి వినాయక విగ్రహాలను వినియోగించాలని కమిషనర్‌ సూచించారు. మట్టి విగ్రహాన్ని ఇంటి పెరటిలోని మట్టిలో లేదా పూల కుండీలో నిమజ్జనం చేసి, అదే మట్టిలో మొక్కను నాటడం ద్వారా వినాయక చవితిని ప్రకృతి పరిరక్షణకు అనుసంధానం చేయవచ్చని తెలిపారు.పండుగ సందర్భంగా భక్తితో పాటు పర్యావరణ పరిరక్షణకు కూడా ప్రాధాన్యత ఇవ్వాలని, ప్రతి కుటుంబం మట్టి వినాయక విగ్రహాలను వినియోగించి ఆదర్శంగా నిలవాలని కోరారు. పర్యావరణ పరిరక్షణపై ప్రజల్లో అవగాహన కల్పిస్తున్న జన విజ్ఞాన వేదిక సభ్యులను ఈ సందర్భంగా కమిషనర్‌ అభినందించారు.ఈ కార్యక్రమంలో జన విజ్ఞాన వేదిక అధ్యక్షుడు వేగూరు రాజేంద్రప్రసాద్, జనసేన నాయకులు ముని గిరీష్, నాగరాజు, చెంచు నారాయణ, రజనీకాంత్, రామమోహన్, ప్రభాకర్, జగదీష్, సుమన్‌రెడ్డి, అరుణ్‌కుమార్, డీవీడీ కుమార్, శ్రీనివాసాచారి, సాయికిరణ్, పసల వెంకటేశ్వర్లు తదితరులు పాల్గొన్నారు.
Author: Prajaveek Shanam
