గూడూరు, సెప్టెంబర్ 26: ప్రజా వీక్షణం
గూడూరు మండల పరిధిలోని పాలిచర్ల గ్రామంలోని సాలిడ్‌ వెల్త్‌ ప్రాసెసింగ్‌ కేంద్రంలో వర్మీ కంపోస్ట్‌ తయారీపై అవగాహన కార్యక్రమం నిర్వహించారు. ఈ కార్యక్రమంలో డిప్యూటీ ఎంపీడీఓ మోహన్‌, పంచాయతీ అభివృద్ధి అధికారులు, గ్రీన్‌ అంబాసిడర్లు, గ్రామస్థులు పాల్గొన్నారు.ఈ సందర్భంగా వర్మీ కంపోస్ట్‌ తయారీ విధానం, దాని ప్రయోజనాలు, సేంద్రియ వ్యర్థాల వినియోగంపై అధికారులు అవగాహన కల్పించారు. ఇళ్ల నుంచి సేకరించే కూరగాయల వ్యర్థాలు, పండ్ల వ్యర్థాలు, ఆకులు, పేడ వంటి సేంద్రియ పదార్థాలను వానపాములు, సూక్ష్మజీవుల సహాయంతో కుళ్లింపజేసి నాణ్యమైన సహజ ఎరువుగా మార్చే విధానాన్నే వర్మీ కంపోస్ట్‌ తయారీగా పేర్కొన్నారు.సేంద్రియ వ్యర్థాలను చెత్తగా పారవేయకుండా వాటిని శాస్త్రీయ పద్ధతిలో వర్మీ కంపోస్ట్‌గా తయారు చేయడం ద్వారా గ్రామాల్లో పారిశుధ్యాన్ని మెరుగుపరచడంతో పాటు పర్యావరణ పరిరక్షణకు దోహదపడుతుందని అధికారులు తెలిపారు. అదేవిధంగా రసాయన ఎరువుల వినియోగాన్ని తగ్గించి, నేల సారాన్ని పెంచేందుకు వర్మీ కంపోస్ట్‌ఉపయోగపడుతుందని వివరించారు.వర్మీ కంపోస్ట్‌ తయారీకి అవసరమైన స్థలం ఎంపిక, వ్యర్థ పదార్థాల సేకరణ, వాటిని పొరలుగా అమర్చడం, తేమను నియంత్రించడం, వానపాముల వినియోగం, కంపోస్ట్‌ సిద్ధమయ్యే వరకు తీసుకోవాల్సిన జాగ్రత్తలను అధికారులు ప్రదర్శన ద్వారా వివరించారు. పంచాయతీ పరిధిలో లభించే సేంద్రియ వ్యర్థాలను సమర్థవంతంగా వినియోగించుకుని వర్మీ కంపోస్ట్‌ తయారీని ప్రోత్సహించాలని సూచించారు.
గ్రామాల్లో సేకరించే తడి చెత్తను వేరు చేసి, దాన్ని వర్మీ కంపోస్ట్‌ తయారీకి వినియోగించడం ద్వారా చెత్త సమస్యను తగ్గించవచ్చని తెలిపారు. తయారైన వర్మీ కంపోస్ట్‌ను వ్యవసాయ పొలాలు, ఉద్యానవనాలు, నర్సరీలు, ఇంటి తోటల్లో వినియోగించుకోవచ్చని చెప్పారు.
పంచాయతీ అభివృద్ధి అధికారులు, గ్రీన్‌ అంబాసిడర్లు ఈ విధానాన్ని క్షేత్రస్థాయిలో ప్రజలకు వివరించి, సేంద్రియ వ్యర్థాల నిర్వహణపై అవగాహన కల్పించాలని అధికారులు సూచించారు. ఈ కార్యక్రమంలో గ్రామస్థులు, సిబ్బంది, గ్రీన్‌ అంబాసిడర్లు, తదితరులు పాల్గొన్నారు.
Author: Prajaveek Shanam
